تورکمن دیلینداکی سوزجوکلرینگ اولانیلیشی نینگ درنگوی

چکیده

تورکمن دیلینداکی سوزجوکلری، اساساهم دیلینگ دگیشلی بولومینده سوزلرینگ غورلوشینی، اویتگیشینی، گورنوشلرینی و سوزلری بللی بیر توپاره بولمگینگ دوزگونلرینی، قانونه لایقلارینی اورنمک بولیور. شونلوق بیلن سوزلری شویله توپارلاره بولوپ اورنمک داب بولوپ غالیپ دیر. شیله لیک- ده هر دیلینگ اوز دستوری- گرامری بار دیر. تورکمن دیلینی هم ادیل بویله‌کی دیللرینگکی یالی بللی بیر قاعده و قانونه‌لایقلار اساسیندا درنگه‌مکلیک یرلیکلی‌دیر.  شونلوقدا تورکمن دیلی‌نینگ هم سوزجوکلری بولومینده سوزلری شو آشاقداقی یالی توپارلاره بولوپ اورنمک بیلن بولاری: " آت، صفت، ایشلیک، چالیشما، سان، باغلایجی، اوملوکلر و سوز‌سونگی کمکچی‌لری" یالی سوزتوپارلارینه بولوپ، اولارینگ هریسینه دگیشلی مثاللار درنگه‌لیپ اورنکمکلیک مقصدی گوزاونگونده توتیلدی.  بو تحقیق دان هدف و اساسی مساله تورکمن  دیلی نینگ سوزجوکلری نینگ ایشله نیلیشی باره سیندا گچمیشلرده ادیلن ایشلری اورنیپ، شو اوردا ایشلاپ علمی تازه لیک لر یوزه چیقارماق، بو بولسه بو اوور بیلن ایش سالیشیون ادم لاره حاس دا فایده لی بولار دییپ امید ادیاریس. بو علمی تحقیقی ایشه دگیشلی علمی ایشلر اونگ هم افغانستان دا، ترکیه و ایران‌دا دگیشلی عالملار طرفیندان  عمومی گورنوشینده ادیلن ایشلر همده کابیر بولکله‌ین ادیلن ایشلری گوزدن گچیریلدی؛ یونه غینانساق دا اودییه‌ن گوزه دورتیلیپ دوران ایشلر ادیلمه دی؛ اما اونگا غاراماز دان بویله‌کی کابیر داشاری اولکه‌لرده اساساهم تورکمنستان دا اوران غووی ایشلر ادیلدی دیساک یالنگیشماساق گره ک.